Koʻp soʻraladigan savollar
Qaysi sinfdan qabul qilinadi?
Maktab turiga bogʻliq. Masalan, ixtisoslashtirilgan maktablarning aniq fanlar yoʻnalishiga 4-sinfni, tabiiy fanlar yoʻnalishiga 6-sinfni tamomlagan oʻquvchilar hujjat topshiradi. Har bir maktab turi boʻyicha toʻliq tartib ariza.piima.uz da.
Qanday hujjatlar kerak?
Hujjatlar elektron shaklda yuklanadi: oʻquvchining soʻnggi 2 oyda olingan fotosurati, tugʻilganlik haqidagi guvohnoma, ota-ona (qonuniy vakil) pasporti maʼlumotlari va telefon raqami. Maktab turiga qarab qoʻshimcha hujjat soʻralishi mumkin.
Nechta maktabga hujjat topshirish mumkin?
Oʻquvchi faqat oʻz viloyatidagi Prezident va ixtisoslashtirilgan maktablarga hujjat topshiradi. Tanlov imkoniyatlari maktab turiga qarab farq qiladi — batafsil portalda.
Imtihon kuni va manzilini qanday bilaman?
Arizada koʻrsatilgan telefon raqamiga SMS keladi. Imtihondan kamida 3 kun oldin shaxsiy kabinetga ruxsatnoma yuboriladi: unda manzil, bino, guruh va oʻrin koʻrsatiladi.
Imtihon qaysi fanlardan?
Aniq fanlar yoʻnalishi: 5–7-sinflar — matematika va ingliz tili; 8–11-sinflar — algebra, geometriya, fizika va ingliz tili. Tabiiy fanlar yoʻnalishi: 7-sinf — tabiiy fan (science) va ingliz tili; 8–11-sinflar — biologiya, kimyo va ingliz tili. Imtihon test shaklida bir bosqichda oʻtadi.
Boshqa savollar boʻlsa — ariza.piima.uz yoki 1206 call-markazi.
Qabul ma'lumotlari tez orada e'lon qilinadi
Yangi qabul mavsumi boshlanishi bilan barcha ma'lumotlar shu sahifada chop etiladi.
Bosh sahifaga qaytish